Запрацаваў адмысловы сервіс інфармацыйнай падтрымкі для сваякоў і блізкіх затрыманых HAPUN.ORG. На сайце можна даведацца пра тое, дзе шукаць затрыманых, як рыхтаваць перадачу, інфармацыя пра суды і тое, што адбываецца пасля іх.

Калі вашых знаёмых затрымалі, дашліце, калі ласка, інфармацыю пра гэта ў чат-бот (тэлеграм).

Калі вашых блізкіх затрымалі і яны знаходзяцца ў ЦІП (ІЧУ), вы можаце перадаць перадачу. Для гэтага вам спатрэбіцца пашпарт. Перадачы прымаюць раз у суткі вагой не больш за 5 кілаграм. Перадаць перадачу можа толькі блізкі сваяк (маці, бацька, сястра, брат, муж, жонка, дзеці, дзед, бабуля).
Перадаваць можна сродкі асабістай гігіены і ежу. Поўны спіс паглядзіце тут

Адміністрацыйна затрыманыя могуць атрымліваць лісты і паштоўкі. Таму пішыце ім і заахвочвайце іншых пісаць, затрыманым будзе прыемна.

Калі вы ведаеце, што вашага блізкага затрымалі, але вам не паведамляюць, дзе ён/яна знаходзіцца, вы маеце права скласьці скаргу. Вось яе ўзор.

Калі вам неабходна знайсці адваката для абароны свайго блізкага ў судзе, шукайце яго тут, або звярніцеся па параду да правабаронцаў: любы адвакат лепш чым ніякага, але не ўсе адвакаты добра працуюць, таму пасля першаснай дапамогі ад дзяржаўнага адваката можа быць карысным узяць абаронцу, які спецыялізуецца на абароне актывістаў і актывістак